La radunanza dals commembers da l'uniun iGovPortal.ch ha acceptà unanimamain ils 18 da matg la dumonda d'entrada dal chantun da Son Gagl. L'uniun ha uss er uffizialmain ses quart commember.
Il chantun da Son Gagl ha applitgà gia avant la fundaziun da l'uniun il spurtegl virtual segir iGovPortal. Cun questa commembranza conferma il chantun da Son Gagl sia prontezza da collavurar activamain cun tschels chantuns che fan diever dad iGovPortal e da concentrar sias resursas per garantir a lunga vista la persistenza da la soluziun.
Cun l'entrada dal chantun da Son Gagl stat la soluziun iGovPortal uffizialmain a disposiziun a 1,2 milliuns burgaisas e burgais svizzers. L'uniun s'engascha però da gudagnar ils proxims onns blers ulteriurs chantuns per sia iniziativa.
Ulteriuras infurmaziuns: communicaziun a las medias dal chantun Son Gagl
