L'uniun iGovPortal.ch ha l'incumbensa da mantegnair e da sviluppar vinavant la soluziun dal spurtegl virtual iGovPortal. Cun porscher a tut ils chantuns ina soluziun che ademplescha lur pretensiuns vuless l'uniun accelerar tar ses commembers il svilup da l'e-government.
Vicendaivladad
L'uniun iGovPortal.ch è la proprietaria dal coc da la soluziun iGovPortal. Ils custs vegnan partids en il rom d'in management participativ per segirar in svilup a lunga vista. Tut ils commembers decidan davart las actualisaziuns e novitads che vegnan integradas e collavuran al svilup da novs servetschs.
Dapli commembers ch'ella ha e pli interessanta che la plattafurma daventa ord perspectiva economica.
Detagls davart las incumbensas
- Definir las cundiziuns per acquistar iGovPortal
- Pussibilitar la simpla derasaziun da la soluziun en ulteriurs chantuns
- Sclerir ils dretgs da proprietad per iGovPortal
- Formular las reglas da diever per iGovPortal
- Segirar la pussaivladad da curreger, adattar e sviluppar la soluziun e garantir la finanziaziun
- Garantir l'ulteriur svilup tecnic dad iGovPortal e sia cumpatibilitad cun tools integrads
- Administrar las relaziuns commerzialas cun ils purschiders da prestaziuns externs