L'uniun iGovPortal.ch ch'è activa en il sectur da l'e-government è vegnida fundada l'onn 2017 dals chantuns Friburg e Giura. Dapi il 1. da schaner 2019 è il chantun Soloturn in nov commember activ da l'uniun.
Ils chantuns che fan part da l'uniun iGovPortal.ch lavuran communablamain vi dad ina soluziun per in spurtegl uffizial virtual. Plinavant sviluppan els servetschs da basa per satisfar a las aspectativas da las abitantas e dals abitants sco era da las interpresas areguard la digitalisaziun da l'administraziun e la purschida da servetschs online.
Il chantun Soloturn è persvas da la soluziun e dal concept per concentrar las forzas. El ha instradà in grond project dad e-government che prevesa d'activar in post da consultaziun virtual unifitgà en il decurs da l'onn 2020. Ensemen cun il chantun Son Gagl, che fa medemamain diever dal iGovPortal, vegnan passa in milliun abitantas ed abitants ad avair access grazia al portal ad ina purschida da servetschs digitala.
L'uniun iGovPortal.ch stat er a disposiziun ad auters chantuns ed ad autras citads e vischnancas che han la finamira da concentrar lur stentas en il sectur da l'e-government.
