Ils 17 da settember ha la radunanza generala da l'uniun iGovPortal.ch acceptà il chantun Grischun unanimamain sco nov commember. Il Grischun sa participescha ensemen cun il chantun da Friburg, il chantun Giura ed ils chantuns da Son Gagl e da Soloturn a l'ulteriur svilup da la plattafurma communabla dad e-government che colliescha las burgaisas ed ils burgais cun lur administraziun.
Cun l'adesiun a l'uniun conferma il chantun Grischun ch'el è persvadì dal potenzial dal spurtegl virtual segir iGovPortal. El demussa era sia prontezza da collavurar activamain cun ils auters chantuns che utiliseschan gia la plattafurma e da concentrar las resursas.
La participaziun dal Grischun augmenta il potenzial dals access a la plattafurma dad e-government interchantunala sin 1.4 milliuns burgaisas e burgais, pia sin 16% da la populaziun.
