iGovPortal.ch

Benvenuti a Basilea Campagna e nel Vallese!

Bainvegni Basilea-Champagna e Vallais!

La radunanza generala dad iGovPortal.ch ha acceptà ils dus chantuns Basilea-Champagna e Vallais sco novs commembers da l'uniun. Ensemen cun Friburg, Grischun, Giura, Lucerna, Son Gagl e Soloturn sa participeschan els a l'ulteriur svilup d'ina plattafurma cuminaivla dad e-government che serva a colliar las burgaisas ed ils burgais sco er las interpresas cun lur administraziun.

Cun la participaziun a l'uniun conferman ils chantuns Basilea-Champagna e Vallais ch'els èn persvadids dal potenzial da la soluziun da spurtegl online virtual segir iGovPortal. Els conferman er lur prontezza da collavurar activamain cun ils auters chantuns d'utilisaziun, da focussar e da reunir las resursas, da trair a niz sinergias e d'uschia sviluppar cuminaivlamain vinavant la soluziun en moda confurma als basegns.

Cun lur participaziun s'augmenta il potenzial dals pussaivels access a la plattafurma dad e-government interchantunala sin 2,5 milliuns burgaisas e burgais, q.v.d. sin 28 % da la populaziun.